حل النجمان أحمد زاهر ونور اللبنانية ضيفين في الجزء الثاني من برنامج “سهرانين”، تقديم الفنان والإعلامي أمير كرارة، المذاع على قناة ON، وتحدثت نور اللبنانية عن قصة حبها وزواجها قائلة: “أول مرة شوفت يوسف حسيت أنه متجوز لأن لما اتعرفنا على بعض مكناش صغيرين واتعرفنا على بعض في جلسة عشاء لصديق لبناني وبصيت على إيده ملقتش دبلة ومع الكلام في القعدة عرفت أنه مش متجوز ولا خاطب ولا مرتبط”.
وتابعت نور: “كلمني الصديق اللبناني وقالي إن يوسف طلب رقمك واديتهوله وخدى رقمه عشان متقوليش رقم مين ومين بيكلمنى، وبعد كده فعلاً اتصل بيا يوسف وقالي تخرج نشرب حاجة واتكلمنا كتير وبعدها سافر أمريكا وبعدها بفترة رجع واتكلمنا وحبينا بعض واتخطبنا واتجوزنا في 8 شهور وعيد جوازنا هو نفس يوم عيد ميلادي”.
وعن شهر العسل قالت نور: “كنا في وقت الشتاء وجالي سخونة لمدة يومين، واللي اكتشفه فيا أني أنا مش بحب أعمل شوبينج واتفاجئ لما دخلت صيدلية عشان أشوف فوائد الأدوية عشان اشتري اللي مفيد فيهم”.
وعن شهر العسل بالنسبة للفنان أحمد زاهر قال: “روحنا في شرم الشيخ ومعنديش غير 4 أيام وارجع تاني عشان عندي مسرحية وبعد ما روحنا الفندق اكتشف إن الشنطة غلط ورجعت المطار واستنينا وقت كتير لغاية لما الشخص التاني يكتشف إنها مش شنطته ويرجعها هو كمان”.
